To:
andi
Date: Mon 18 Jul 2005 09:50:00 PM WIT
Subject: Re: Nurutan nya?!

Message:
Teu acan kahartos maksad Ndi anu kadua teh kumaha?
Abah tur ambu teh ibu ramana sibungsu aa.
Desi ngiring ka abah ambu anu kagungan usaha warnet
sanes kanten tempat desi magang tea.
Kantenan desi oge dipaparin uang saku atanapi honor.
Manung henteu matak kandel kana pesak.
Honorna oge ku piwarang abah disimpen dina rekening
bank Mandiri ambeh sanubari desi janten adem ayem.
Nganggo nami desi nganggo tawis desi namung bukuna
disimpen ku abah. Mung dicepeng upami bade dieusi
unggal sasih, sakantenan desi na mayar tagihan
jaringan Kabel boh sakantenan balanja ATK.
Rekening pribados ieu kanggo back-up manawi
kintunan pun bapak/mimih kanggo biaya semester
desi kul tersendat boh sawah katarajang beluk.
Desi oge masih dipaparin uang makan sareng
transpor ceban sadinten. Tapi wutuh kapan desina
oge ngiring sanes kanten ka abah ambu anu geuning
nanggel hampir sadaya kaperyogian desi.
Desi oge berhak libur unggal dinten Salasa.
Namung pedah desi tara kamamana ku abah digentosan
goban. Tangtos cekap upami kanggo biaya/ongkos
desi kul kajabi uang semester anu 6-jut tea mah.
Untung weh waktos tes desi ngeningkeun rangking A
anu hartosna ti kawajiban 10-jut aya diskon 4-jut.

Upami ibu bapak desi linggihna di Kuningan.
Maklum patani janten kahoyong ngahontal cita2 desi
na oge kedah mampu juang, kedah tahan cuaca, kedah
ngutamikeun aman salamet, kedah janten Vutg.
Untungna bae aya abah tur ambu anu cacakanana
ngajait ka desi anu meh bernapas dalam lumpur tea
teh sanes bobohongan. Katurug aa anu saurna mah aya
pikir kadua gede ka desi. Kantenan poharana mah.
Lamun cacakan mang Ohle mah, batu turun keusik naek.
Kitu Ndi. Da Desi mah ngemut ngetang ngabordir nata
kahirupan pribados ku cara anu saderhana bae.
Kapan modal desi oge mung anu kantenan saderhana
deuih. Tumampi kana qodar bari saestu syukron ka
Anu Maha Asih Allah SWT.

Desi nembe bade lebet? Maksad Ndi lebet kamana?
Hor atuh teu sawios Ndi telat bales da desi ge
kakapeungan mah sami. Upami nuju sibuk nuju cape
nuju lanto ka kampus sok komo panginten upami
engkin tos kul. Kantenan bakal lapur boh kirang
kamampuan desi ngawaleran email fs.
Upami kajantenan, hatur uninga tur ulah kirang
ngahapunten we nya Ndi. Mugi ulah matak janten
retak manah rengat galih ka desi.
Bisi majarkeun desi ayeuna bet degig pedah ku
kaayaan naon we anu kareka ku emutan Ndi anu
matak janten suudhan tur sulaya.

Desi henteu nganggo japri nanaon, komunikasi urang
cekapkeun mung kana fs bae.
Kapan desi mugen waktos bade digaleuhkeun hp ku aa.
"Kan biar gampang klo aa mo jemput enok biar kita
pulang kuliahnya bisa bareng."
Kituh ngarajutna aa di Roxy-mas mah.
"Pokoknya a, klo pulang kul kita gak ketemuan.
Ndes tunggu barang 10 menitan sambil jalan ke
gerbang. Dah gitu Ndes langsung cabut pul ke ambu.
Lagian aa kan pulangnya kudu ke Tangerang.
Studio ma warnet mo dikemanain?" Cekeng teh.
Alhamdulillah aa tara maksa iwal ti nyerengeh koneng.
"Pokona desi mah alim kacoceng enersi beh junun kul."
Alhamdulillah wa syukriyya illa billahi Rabb al Amien.
Wassalamualaikum wr wb warridwaanu walmaghfirah.

andi wrote:
> Des, andy hoyong terang dupi Desi teh nu kadua
> canes? Pan gaduh aa gening.
> Abah teh bapa nya? Teras ambu ibu Desi?!
> Desi meni hebat kitu, tiasa ngasuh sareng jaga
> warnet siganan kandel meureun saku Desi teh.
> Pantes Desi mah ngabales wae fs Andy.
> Andy ge da nuju Geladi teh aya nu masihan
> lowongan jaga kitu, tp Andyna capek lamun tos
> rengse wangsul Geladi.
> Des, punten kamari rada telat ngabalesna, kumargi
> Andyna seueur pidamelen kamari teh janten
> ngarengsekeun heula supados tenang, sareng
> Andy mah pami ngabalesna biasana ti kantor pami
> nuju istirahat, tp dinten sabtu sareng ahad mah
> libur janten kamari teh ka warnet najan kondisi
> keuangan nuju heureut oge.
> Desi, teh nembe bade lebet?
> Oh ampir we andY hilap, mung bade naros
> wungkul dupi Desi gaduh kontak person nu
> canesna deui teu, sajaba ti fs ieu, nya samodel
> telepon jeung sajenisna.
> Engke iraha2 kenalkeun nya kanu janten abah teh
> oge ambu, aa jeung nu sanesna.
> Saatosna hatur nuhun nu kasuhun.
> C...U...
> Salamna Andy tampi deui,...Wa'alaikumsalam
> Wr.Wb.